Sistim Tulisan

Sistim tulisan marupakan sistim simbol visual. Ada dua buting sistim tulisan:

• Sistim ideografis. Di dalam sistim ideografis maka kata ditampaiakan lawan sabuting signe unik nang asing banar lawan alun nang manyusunnya. Signe ngitu tasangkut lawan sabuting kata purna, wan maraga ngitu sacara kada langsung maka signe jua tasangkut lawan gagasan nang cungulakan ulih kata ngitu. Cuntuh klasik sistim tulisan ideografis adalah tulisan Cina. Hagan urang Cina, ideogram wan kata nang tasambat sama-sama sabagai dua signe hagan gagasannya wan jua tulisan marupakan sabuting langue kadua. Wan haratan di dalam pamandiran, dua kata lisan baisi arti nang sama, maka urang jua mamakai kata tartulis hagan manjalasakan pamikirannya.
• Sistim tulisan fonetik. Sistim ngini manampaiakan urutan alun nang asa demi asa manyusun sabuting kata. Ada tulisan fonetik nang basipat silabik, ada jua tulisan fonetik nang basipat alfabetik. Tulisan alfabetik didasarakan lawan elemen-elemen pasti parole.